«Bunyodkor» stadioni O‘FA ixtiyoriga o‘tkaziladi

Toshkentning «Bunyodkor» sport majmuasi O‘zbekiston futbol assotsiatsiyasi ixtiyoriga o‘tadi. Bu haqda Kun.uz O‘FA birinchi vitse-prezidenti Umid Ahmadjonovga asoslanib xabar bermoqda.

«Olimpiya zaxiralari kollejiga endi futbol bo‘yicha qabullar bo‘lmaydi. Futbol bo‘yicha alohida akademiyalar joriy qilinadi. Har bir hudud uchun alohida akademiyalar joriy qilinadi va bitta Respublika markazlashgan akademiya bo‘ladi.

Toshkentdagi «Bunyodkor» stadioni, sport kompleksi O‘FA ixtiyoriga o‘tkazilmoqda. Aynan shu yerda Respublika akademiyasini joylashtirish ko‘zda tutilgan», deya gapirib o‘tgan Ahmadjonov.