Xorvatiya prezidenti Putinga futbolka sovg‘a qildi

Xorvatiya prezidenti Kolinda Grabar-Kitarovich Rossiya Federatsiyasi rahbari Vladimir Putinga Xorvatiya terma jamoasi futbolkasini sovg‘a qildi. Bu haqda «Xabar» nashri ma’lum qilmoqda.

Grabar-Kitarovich muzokaralardan avval futbolkani tuhfa etgan va bu «bugungi kecha uchun», deya qo‘shimcha qilgan.

Putin 9-raqamli futbolkani mamnuniyat bilan olgan. O‘z navbatida, Rossiya yetakchisi ham Xorvatiya prezidentiga gul sovg‘a qilgan.