Osiyo oʻyinlari. Bobousmon Baturov ham final yoʻllanmasini qoʻlga kiritdi

Indoneziyada davom etayotgan XVIII Osiyo oʻyinlarining boks bahslarida bugun yarim final janglari boʻlib oʻtmoqda.

-69 kg vazn toifasida yurtimiz sharafani himoya qilayotgan Bobousmon Baturov tailandlik Arde Saylomga qarshi ringga chiqdi.

Mazkur bellashuvda hakamlar Baturovning 4:1 hisobidagi gʻalabasini qayd etishdi. Shu tariqa, 23 yoshli bokschimiz ham finalga yoʻl olishdi.

Oltin medal uchun kechadigan jangda hamyurtimizga qozogʻistonlik Aslanbek Shimbergenovga qarshi jang qiladi.

Eslatib oʻtamiz, bundan oldin Jasurbek Latipov va Shunqor Abdurasulovlar ham final yoʻllanmasini qoʻlga kiritishgan edi.