LaLiga. “Barselona” Messining xet-trigi evaziga gʻalabani ilib ketdi (video)

Ispaniya chempionatining 25-turidan oʻrin olgan “Sevilya” – “Barselona” uchrashuvi oʻz nihoyasiga yetdi. Unda 2:4 hisobi qayd etilib, kataloniyaliklarning gʻalabasi bilan yakunlandi.
Dastlab oʻyinning 22-daqiqasida Xesus Navas hisobni ochgandi. Oradan 4 daqiqa oʻtib, Messi muvozanatni tikladi. 42-daqiqaga kelib Merkado yana “Sevilya“ni olgʻa boshladi 2:1.
Shunday boʻlsada, tinib-tinchimas Leo ikkinchi boʻlimda avvaliga hisobni tenglashtirdi, keyin esa xet-trik qayd etgan holda, hisobni 2:3 koʻrinishga olib keldi.
Bu ham kamlik qilgandek, Luis Suares Vaslikni toʻrtinchi bor ranjitib, yakuniy 2:4 natijasini tabloda aks ettirdi.

Sevilya – Barselona 2:4 (2:1, 0:3)
“Ramon Sanches Pisxuan”
Gollar: 1:0 – 22 Navas, 1:1 – 26 Messi, 2:1 – 42 Merkado, 2:2 – 67 Messi, 2:3 – 85 Messi, 2:4 – 90 Suares.
Sevilya – Vaslik, Merkado (Vaskes, 51), Gomes, Kyer, Veber (Amadu, 58), Banega, Navas, Rog (Mesa, 62), Sarabiya, Promes, Ben-Yedder.
Barselona – ter Stegen, Pike, Umtiti, Nelson Semedu (Serdji Roberto, 46), Alba, Vidal (Dembele, 46), Rakitich, Buskets, Koutino (Alenya, 79), Messi, Suares.
Ogohlantirishlar: Pike (38), Rog (49), Veber (57), Vaskes (70), Kyer (80), Sarabiya (83), Mesa (90).