UFC 242 musobaqasining eng yaxshi jangi ma’lum bo‘ldi

^{Foto: «Sport-Ekspress»}
7 sentyabr kuni Abu Dabi shahrida bo‘lib o‘tgan UFC 242 musobaqasining eng yaxshi jangi aniqlandi. Bu haqda UFC prezidenti Deyna Uayt ma’lum qildi.

«Habib oqshomning eng yaxshi jangi uchun qo‘shimcha bonus oladi. Bu qoyilmaqom jang bo‘ldi. Habib—Pore jangi boshqalarnikidan ustun bo‘ldi. Pore Habibni «qatl etish»ga harakat qildi. Hamma ham Habibdek turib bera olmaydi. Oddiy odamlar bunday holatda o‘zidan ketib qolishi aniq, ammo Habib emas», — deydi Deyna Uayt.

Shu tariqa, UFC 242 musobaqasining eng yaxshi jangi sifatida Habib—Pore to‘qnashuvi e’tirof etildi.