"Liverpul" o‘z maydonida "Tottenxem" ustidan irodali g‘alabaga erishdi

Angliya Premer-ligasi 10-turidan o‘rin olgan \"Liverpul\" hamda \"Tottenxem\" jamoalari o‘rtasidagi o‘yin o‘z nihoyasiga yetdi.

\"Enfild\" stadionida kechgan uchrashuv mezbonlarning 2:1 hisobidagi irodali g‘alabasi bilan nihoyasiga yetdi. Bellashuvning 1-daqiqasida Xarri Keyn tomonidan kiritilgan gol tufayli birinchi bo‘limni 0:1 hisobidagi mag‘lubiyat bilan tugatgan \"qizillar\" ikkinchi bo‘limda Jordan Xenderson hamda Muhammad Salohlar tomonidan kiritilgan gollar evaziga 3 ochko egasiga aylanishdi.

Shu tariqa, \"Liverpul\"ning mag‘lubiyatsiz seriyasi davom etdi va 28 ochko bilan peshqadamlikni saqlab qoldi. 12 ochkosi bor \"shporlar\" esa 10-pog‘onadan joy olishgan.

\"Liverpul\" - \"Tottenxem\" 2:1
Gol: Jordan Xenderson (52), Muhammad Salah (75, P) - Xarri Keyn (1)
\"Liverpul\": Alisson, Aleksander-Arnold, van Deyk, Lovren, Robertson, Veynaldum, Fabino, Xenderson, Mane, Firmino, Salah.
\"Tottenxem\": Gassaniga, Rouz, Sanches, Alderveyreld, Ore, Uinks, Alli, Eriksen, Sissoko, Son Xyon Min, Keyn.