Arteta "Arsenal" bosh murabbiyi bo‘lgach nimalar dedi?

Ispaniyalik mutaxassis Mikel Arteta “Arsenal” bosh murabbiyligiga tayinlangach o‘zining bu boradagi ilk fikrlarini bildirib o‘tdi.

“Bu katta faxr. “Arsenal” – dunyoning eng yaxshi klublaridan biri. Sten va Josh Kronkelar bilan bo‘lgan suhbatdan so‘ng tushunib yetdimki, biz asosiy sovrinlar uchun kurashishimiz kerak.

Biz jamoada katta ishlar qilinishi kerakligini bilamiz, ishonamanki biz bularning barchasini uddalay olamiz. Men haqiqatgo‘yman va bularning bari tezda amalga oshmasligini ham bilaman. Ammo, tarkibda bir qator iqtidorli futbolchilar bor, qolaversa jamoa akademiyasidan ham iste’dodli futbolchilar yetishib chiqmoqda”, - deydi ispaniyalik mutaxassis.