"Barselona"dagilar jamoa boshqaruvida Kloppni ko‘rishmoqchi

Mundo Deportivo nashrining ma’lum qilishicha \"Barselona\"ning aksariyat xodimlari jamoa boshqaruvida Yurgen Kloppni ko‘rishni xohlashmoqda.

Yuqoridagi manbaa ular qaysi mutaxassisni bosh murabbiy lavozimida ko‘rishni xohlashlarini bilish uchun “ko‘k-anor ranglilar” xodimlari o‘rtasida maxsus so‘rovnoma o‘tkazgan. So‘rovnoma natijalariga ko‘ra eng ko‘p ovozni \"Liverpul\" ustozi Yurgen Klopp oldi. Keyingi o‘rinni esa Gollandiya terma jamoasi bosh murabbiyi Ronald Kuman egalladi.

Eslatib o‘tamiz, ayni damda \"Barselona\"ni Ernesto Valverde boshqarmoqda. Kataloniyaliklar ayni damda La Liga musobaqa jadvalida peshqadamlik qilishmoqda.