"Sherif" "Real" maydonida sensatsion tarzda g‘alaba qozondi

Yevropa Chempionlar ligasi 2-turidan o‘rin olgan \"Real\" - \"Sherif\" bahsi yakuniga yetdi va bu uchrashuvda 2:1 hisobida hamyurtimiz to‘p tepayotgan jamoa g‘alaba qozondi.

O‘yinning 25-daqiqasida Yaxshiboyev hisobni ochdi. 65-daqiqada Benzema penaltidan unumli foydalanib, muvozanatni tikladi. O‘yinning asosiy vaqti so‘nggi daqiqalari o‘tib borayotgan bir paytda Till jamoasining g‘alaba golini urdi.

Mazkur g‘alabadan so‘ng, Moldova klubi turnir jadvalida 6 ochko bilan 1-o‘ringa ko‘tarilib oldi. \"Qirollik klubi\"da hozircha 3 ochko bor va ular 2-pog‘onadan joy olgan.

Real Madrid – Sherif 1:2
Gollar: 0:1 – 25 Yaxshiboyev, 1:1 – 65, Benzema penaltidan, 1:2 – 89 Till.

\"Real Madrid\" – Kurtua, Nacho (Rodrigo, 66), Alaba, Militao, Migel Guterres (Kroos, 66), Kazemiro (Modrich, 66), Valverde, Kamavinga, Benzema, Azar (Yovich, 66), Vinisius Junior.

\"Sherif\" – Atanasiadis, Fernando, Arboleda, Dulanto, Kristiano, Kolovos (Nikolov, 90), Till, Addo, Traore, Kastaneda (Djulen, 78), Yaxshiboyev (Bruno, 57).

Ogohlantirishlar: Arboleda (17), Kazemiro (39), Addo (45), Dulanto (46), Yovich (81), Till (90).