UFC 267. Hamzat Chimayev birinchi raunddayoq xitoylik raqibini mag‘lubiyatga uchratdi

^{Foto: UFC}
BAAning Abu-Dabi shahridagi «Jangchilar oroli»da 30 oktabr kuni UFC 267 musobaqasi bo‘lib o‘tmoqda.

Asosiy kardni Magomed Ankalayev — Volkan O‘zdemir jangi ochib berdi. Unda Ankalayev Ozdemirni hakamlarning qaroriga ko‘ra mag‘lubiyatga uchratdi va o‘zining MMA’dagi ketma-ket yettinchi g‘alabasini qo‘lga kiritdi.

Ma’lum muddatli tanaffusdan keyin yana oktagonga qaytgan Hamzat Chimayev esa xitoylik Li Szinlyanni birinchi raunddayoq bo‘g‘ish uslubi bilan mag‘lubiyatga uchratdi.