Bo‘lg‘usi Nokia smartfonlarining xususiyatlari haqida ma’lumot paydo bo‘ldi

Nokia kompaniyasi Barselonadagi Mobile World Congress (MWC) konferensiyasi doirasida yangi smartfonni taqdim etishga tayyorlanmoqda, deb yozadi «Daryo».

Qurilma Carl Zeiss ob’ektivi va Qualcomm Snapdragon 820 prosessoriga ega bo‘ldi. U, shuningdek, suv va changdan himoya qilingan metall korpus bilan jihozlanadi.

Smartfon 5,2 va 5,5 dyuym diagonalli ikki xil variantda chiqariladi. Devays Android operasion tizimi boshqaruvida ishlaydi.

Flagmanlarni ishlab chiqarish bilan HMD Global korporasiyasi shug‘ullanadi.