Firefox kelajak dizaynini taqdim etdi: Uni hoziroq faollashtirish mumkin
Mozilla kompaniyasi 2026-yilda Firefox brauzerining Nova kodli nomi ostidagi yangilangan dizaynga ega versiyasi chiqishini rasman tasdiqladi. Foydalanuvchilar yangi koʻrinishni hoziroq sozlamalar orqali yoqib, sinovdan oʻtkazishlari mumkin. Bu haqda Ixbt.com xabar beradi.
Nova loyihasi doirasida dasturchilar foydalanuvchi tajribasini (UX) yaxshilashga eʼtibor qaratib, interfeysni yanada intuitiv va qulay koʻrinishga keltirishgan. Asosiy oʻzgarishlar vizual elementlarni soddalashtirish va navigatsiyani tezlashtirishga qaratilgan.
Firefox brauzerining yangi talqinida ixcham rejim (compact mode) ham paydo boʻladi. Bu funksiya boshqaruv elementlari egallagan joyni minimallashtirish imkonini beradi, bu esa ayniqsa kichik ekranli qurilmalar uchun juda foydalidir.
Yangilangan Firefox dizayni barcha platformalarda, jumladan mobil qurilmalarda ham taqdim etiladi. Bu turli gadjetlarda brauzerdan foydalanishda yagona va uzviy tajribani taʼminlashga xizmat qiladi.
