Starship bitta dvigatelda suvga qoʻndi: SpaceX yangi videoni taqdim etdi
SpaceX kompaniyasi Starship S39 kemasining 12-sinov parvozi yakunidagi qoʻnish jarayonini aks ettiruvchi yangi kadrlarni eʻlon qildi. 60 kadr/soniya chastotada yozib olingan videoda kemaning suvga qoʻnishdan oldingi soʻnggi bosqichi koʻrsatilgan. Dastlab ikkita dvigatelda pasaygan kema, suvga tegishidan bir oz avval bitta dvigatel rejimiga oʻtgan. Bu haqda Ixbt.com xabar beradi.
Bunday sxema boshqariladigan qoʻnishni oʻzlashtirishda muhim bosqich hisoblanadi. Kuchli dvigatellardan foydalanish manevrning yakuniy bosqichida pasayish tezligi va kema barqarorligini aniqroq nazorat qilish imkonini beradi. Shuningdek, kompaniya oʻtgan hafta oxirida amalga oshirilgan parvozning drondan olingan yangi videosini ham namoyish etdi.
SpaceX kelajakda Starship kemalarini soatiga bir martadan koʻproq, yaʻni yiliga 10 000 martadan ortiq uchirishni maqsad qilgan. Elon Musk nima uchun Starship kabi kelajak raketalari uchun tortish kuchining massaga nisbati yuqori boʻlishi oʻta muhimligini tushuntirib oʻtdi. Uning soʻzlariga koʻra, toʻliq koʻp marta ishlatiladigan tizimlarga oʻtish parvoz iqtisodiyotini tubdan oʻzgartiradi.
Eslatib oʻtamiz, 12-parvoz davomida SpaceX oʻziga xos rekord oʻrnatdi. Raketa orbitaga taxminan 45 tonna ogʻirlikdagi Starlink sunʻiy yoʻldoshlarining simulyatorlarini olib chiqdi. Hozirda Federal aviatsiya boshqarmasi (FAA) parvozdan keyingi holat yuzasidan tekshiruv oʻtkazish zarurati boʻyicha hali yakuniy qaror qabul qilmagan.
