Jigar kasalliklarida yordam beruvchi mahsulot nomi aytildi

Diyetolog Nuriya Dianova tvorog jigar kasalliklariga yordam berishi va uning ishlashini qo‘llab-quvvatlashini ma’lum qildi. Mutaxassis Sputnik radiosiga bergan intervyusida buning uchun kuniga kamida 50 gramm tvorog iste’mol qilish yetarli ekanligini ta’kidladi.

Dianovaning ta’kidlashicha, ushbu sut mahsuloti tarkibida metionin mavjud.

«Bu aminokislota jigarga, har qanday jigar kasalligiga yaxshi ta’sir ko‘rsatadi», deydi mutaxassis.

Uning qo‘shimcha qilishicha, metionin ham jigardagi yog‘ miqdorini kamaytirishga yordam beradi, tvorog esa jigar hujayralarining metabolizmini yaxshilaydi.