Tashkent City Mall'да эвакуация: ГУВД изоҳи

31 март куни Tashkent City Mall савдо марказида ташриф буюрувчилар ва ходимлар эвакуация қилинди. Тошкент шаҳар Ички ишлар бош бошқармаси (ГУВД)нинг маълум қилишича, бу режали машғулотлар доирасида амалга оширилган.​

Мазкур машғулотларда Ички ишлар вазирлиги, Миллий гвардия ва бошқа ҳуқуқ-тартибот органлари ходимлари иштирок этиб, одамлар кўп тўпланадиган жойларда хавфсизлик қоидаларига риоя этилишини текширишди. Вазирлик маълумотига кўра, шу куни пойтахтнинг бошқа савдо марказларида ҳам шундай машғулотлар ўтказилган.

Манба: uz.kursiv.media