Euronews Тошкентда янги офис очмоқда

Euronews Тошкентда янги офис очишини маълум қилди, деб uz24.uz ёзади. Компания бу ҳақда LinkedIn’даги расмий саҳифаси орқали хабар берди.

Euronews расмий веб-сайтида Тошкентдаги жамоа учун продюсер изланаётгани ҳақида эълон берилган. Унга кўра, иш бошланиши санаси — 2025 йил 1 май деб белгиланган.

Бу хабар халқаро медиа майдонида Ўзбекистоннинг мавқеини ошириш ва ахборот алмашинувини кенгайтиришда муҳим қадам сифатида баҳоланмоқда.