Тошкентда 6–8 май кунлари Ғалаба боғи ёпилади

Тошкент шаҳри Алмазар туманида жойлашган Ғалаба боғи 6 майдан 8 майгача фуқаролар учун вақтинча ёпилади, деб Kursiv Media хабар берди. Бу вақт мобайнида боғ ҳудудида жойлашган «Шон-Шараф» музейи ҳам фаолиятини тўхтатади.

Ёпилишга сабаб — 9 май куни нишонланадиган Хотира ва қадрлаш кунига тайёргарлик ишлари. Бу даврда боғ ва музейга янги экспонатлар олиб келинади, шунингдек, ҳудудда тозалаш ва дезинфекция ишлари амалга оширилади.