Тошкентда 1 июлгача йўл ҳаракати чекланади

Тошкент шаҳри Яшнобод туманидаги Оҳангарон шоҳкўчасининг бир қисмида қурилиш ва таъмирлаш ишлари олиб борилиши муносабати билан 2025 йил 25 июн соат 00:00 дан 1 июлга қадар транспорт воситалари ҳаракати вақтинча тўхтатилади, деб шаҳар ИИББ ЙҲХБ хабар берди.

Йўл Темур Малик – Паркент – Маҳтумқули кўчалари айланма ҳаракатидан ТХАЙ – Оҳангарон шоҳкўчалари айланма ҳаракатигача бўлган масофани ўз ичига олади.

Ҳайдовчиларга қуйидаги муқобил йўналишлардан фойдаланиш тавсия этилмоқда:
. Бектемир шоҳкўчаси
. Фарғона йўли кўчаси
. Маҳтумқули кўчаси
. Янги Ўзбекистон кўчаси

Бошқарма вақтинча ноқулайликлар учун узр сўраб, ҳайдовчиларни белгиланган тартибга риоя қилишга чақирди.