Тошкентда қачон қор ёғади?

Ўтган тун Ўзбекистоннинг кўплаб ҳудудларида қор кузатилди. Айрим ҳудудларда кечаси ҳаво ҳарорати -2 даражагача пасайди.

Синоптиклар Тошкентда қачон қор ёғишини маълум қилишди. Эртага, 5-ноябр куни пойтахтда кундузи ўртача ҳарорат +5...+7 даража, кечаси эса 0...+2 даража бўлиши кутилмоқда.

Кун давомида Тошкентда ёмғир ёғиб, кейинчалик қор тарзида давом этиши прогноз қилинмоқда. Шамол тезлиги 3-8 м/с бўлиши мумкин.