Тошкентда кучсиз зилзила сезилди

8 январь куни Тошкент шаҳрида маҳаллий вақт билан соат 14:08 да ерости силкинишлари сезилди.

«Тошкент» марказий сейсмостанциясидан маълум қилинишича, Тошкентда сезилган зилзила кучи 2 баллдан кам бўлган.

Европа - Ўртаер денгизи сейсмология маркази маълумотларига кўра, зилзила маркази Тошкентдан 540 километр узоқликда Афғонистондаги Ҳиндикуш тоғларида бўлган. Эпицентрда зилзила магнитудаси 5 га тенг бўлган.

Ерости силкинишлари Самарқанд шаҳрида ҳам сезилди, деб ёзади uz24.uz нашри.