UzNex платформасының сайтында бірқатар криптоактивтер бойынша тексеріс жүргізіліп жатқаны туралы хабарлама пайда болды. Онда A, KWAV, KBH, KHAI, AMF токендері, сондай-ақ АҚШ президенті Дональд Трамптың атымен байланысты TRUMP мемкоины да тексеріс тізіміне енгізілгені атап өтілген. Бұл туралы kursiv.uz хабарлайды хабарлайды .
Kursiv Uzbekistan редакциясы тексерістің басталу себебі мен оның қанша уақытқа созылатынын нақтылау үшін Ұлттық перспективалы жобалар агенттігіне және UzNex биржасына сауал жолдады.
Трамп отбасымен байланысты токендер 2025 жылы, Трамптың сайлауалды командасының қатысуымен көпшілікке таныстырылғаны айтылады. Сол кезде OFFICIAL TRUMP (TRUMP) және OFFICIAL MELANIA (MELANIA) мемкоиндары іске қосылып, жобалар Дональд пен Мелания Трамптың жеке парақшаларында белсенді түрде насихатталған.
TRUMP мемкоины 2025 жылғы 18 қаңтарда — Трамптың инаугурациясына екі күн қалғанда — Solana желісінде іске қосылды. CoinMarketCap деректеріне сәйкес, бастапқы кезеңде баға күрт өсіп, TRUMP ең жоғары деңгейінде 75 доллардан асты, ал MELANIA шамамен 14 долларға дейін жетті.
“Zamin”-ді Telegram-нан оқыңыз!
