Манчестер Сити өз алаңында Борнмутты 3:1 есебімен жеңді. Англия Премьер-лигасының оныншы турында Пеп Гвардиола командасы ойынды алғашқы минуттардан бастап бақылап, сенімді жеңіске қол жеткізді.
Команданың шабуылшысы Эрлинг Холанд дубль жасаса, тағы бір голды О’Райли соқты. Қожайындар 17-минутта-ақ есеп ашты.
Шерки Холандқа дәл пас берді және ол төмен тебумен қақпаны дәл көздеді — 1:0. Бұдан соң, Борнмут командасы бұрыштамадан кейін Доннарумма қателігін пайдаланып, есепті теңестірді — 1:1.
Гол авторы Адамс болды. Үзіліске дейін Манчестер Сити шабуылын үдете түсті.
33-минутта Шерки тағы да Холандқа пас шығарды және норвегиялық шабуылшы өз есебіне екінші голды жазды — 2:1. Бірінші тайм соңында алаң иелерінің басымдығы анық байқалды, бірақ қонақтар қарымта шабуыл жасауға тырысты.
Екінші таймда да Сити допты бақылауды жалғастырды. 61-минутта О’Райли алыстан дәл соққы жасап, есепті 3:1-ге жеткізді.
Осыдан кейін Холанд алмасып, оның орнына Мармуш шығып, ойынға араласты. Сити матчты сабырлы аяқтады, ал Борнмут нәтижені өзгерте алмады.
Айта кету керек, өзбекстандық қорғаушы Абдуқодир Хусанов бұл матчқа өтінімге енгізілмеді. Клуб мәліметінше, бұл шешімді Пеп Гвардиола тактикалық себептерге байланысты қабылдаған.
Хусанов бұған дейін Лига Кубогінде Суонсиға қарсы матчта 64 минут алаңда өнер көрсеткен еді.
