PSG shabylshysy Ousmane Dembélé mansabyn parıjdyq klýbta jalǵastyryp, jańa uzaq merzimdi kelisimshartqa otyrýy múmkin. L'Equipe basylymynyń habarlaýynsha, frantsýz grandy fýtbolshymen jańa kelisimshart jasasýǵa nıet bildirip otyr.
Derekkóz málimetinshe, taraptar kelissózderdiń bastapqy kezeńin ótkizip úlgerdi. Qazirgi tańda PSG basshylyǵy men Dembélé ókilderi Chempıondar lıgasy fınalynan keıin kelissózderdi jalǵastyrýǵa kelisti.
Dembélé bıylǵy maýsymda parıjdyq klýbtyń negizgi oıynshylarynyń birine aınaldy. Ol shabyl shebinde jyldamdyǵy, tehnıkasy jáne kútilmegen sheshimderi arqyly qarsylas qorǵaýshylaryna qıynshylyq týdyrýda. Eń bastysy, frantsýz fýtbolshysy bul maýsymda oıyn sapasy men nátıjeliligi boıynsha ózin kórsete aldy.
Ousmane Dembélé osy maýsymda PSG sapynda 36 kezdesýde alańǵa shyǵyp, 19 gol soqty jáne 10 nátıjeli pas berdi. Bul kórsetkishter onyń komanda shabylýynda qanshalyqty mańyzdy ról atqaratynyn aıqyn kórsetedi.
Fýtbolshymen qazirgi kelisimshart 2028 jyldyń jazyna deıin jasalǵan. Sondaı-aq, PSG basshylyǵy ony Parıjde odan da uzaq merzimge saqtap qalýdy kózdeıdi. Bul klýbtyń Dembélége degen seniminiń joǵary ekenin bildiredi.
Chempıondar lıgasy fınaly aldynda kelissózderdi ýaqytsha toqtatý – túsinikti jaıt. Qazir fýtbolshynyń barlyq nazary sheshýshi matchqa aýǵan. Fınaldan keıin taraptar kelisimshart máselesin qaıta talqylaıdy.
Dembélé úshin de PSG-de qalý – logıkalyq sheshim. Ol komandada óz ornyn tapty, Luis Enrique júıesinde mańyzdy oıynshyǵa aınaldy jáne jankúıerler senimine ıe boldy. Qysqasy, Parıjde Dembélé úshin sahna da, ról de bar, tek kelisimdi resmıleý ǵana qaldy.
“Zamin”-ді Telegram-нан оқыңыз!
