14:22 / 22.05.2026

Kingsley Coman 14-ret chempion atandy, dästür jalğasyn tabuda

«Al-Nassr» qanat şabuylşysy Kingsley Coman tağı da óziniń keremet chempiondyq dästürin jalğastyrdy. Saudiya Arabiyasy chempionatynyń sońğy turynda Riyad kluby «Damac» komandasyn 4:1 esebimen jeńip, el chempiony atandy. Bul kezdesude Coman da gol soğıp, komandasynyń mańyzdy jeńisine óz úlesin qosty.

«Al-Nassr» mausymdy 86 upaymen ayaqtap, basty qarsylasy «Al-Hilal»-den eki upay ozyp, chempiondyqty jeńip aldy. Riyadtyqtar úshin bul úlken jetistik, al Coman úshin mansabyndağı tağı bir jarqyn betke aylandy.

Eń qyzyğy, 29 jastağı fransuz vingeri 14 mausymda qatarynan 14-ret chempion atandy. Bul futbolda óte siyrek kezdesetin turaqtylyq pen jeńimpaz ruxynyń jarqyn mysaly. Coman qay komandağa auyssa da, sol jerge chempiondyq ruxyn ala keletindey áser qaldyrady.

Futbolşy buryn «PSG» sapynda Fransiya chempiondyğyn jeńip alğan. Sodan soń «Juventus» quramymen Italiyada eki ret chempion boldy. Artynsha «Bayern»-ge auysyp, Myunxen klubymen toğyz ret Bundesliga jeńimpazy atandy. Endi mine, Coman Saudiya Arabiyasynda da chempiondyq tizimin tolyqtyrdy.

Munday nátije kezdeysoq emes. Coman jyldamdyğy, texnikalyq şeberligi, qanattağı keskin qimyldary jäne şeşuşi sátte paydaly bola aluy arqyly ár komandasyna qosymşa kúş syylap keledi. Ol köbinese eń basty juldyz retinde közge túspeui múmkin, biraq jýldeler statistikasy onyń qanshalyqty paydaly futbolşy ekenin aşıq körsetip tur.

«Damac»-qa qarsy sońğy tur kezdesui de munyń däleli boldy. Coman gol soğıp, «Al-Nassr»-dyń chempiondyqqa degen senimdi qadamyna kómektesti. Mausym boyy ol Saudi Pro League-de 30 oyynğa qatysyp, 10 gol jäne 11 golğa aralasu (assist) qayd etti. Vinger úshin bul óte salmaqty körsetkiş.

«Al-Nassr» úshin Coman tek qanattağı jyldam futbolşy ğana emes, şabuylşylyqtağı tepe-teńdik pen keskinlik kózine aylandy. Ol qarsylas qorğanysyn turaqty qysym astynda ustady, seriktesterine múmkindik jasadı jäne qajet kezde ózi de gol soqty. Chempiondyq jolda munday futbolşylardyń qadiri óte joğary.

Qysqasy, Kingsley Coman tağı da chempion boldy jäne óziniń keremet dästúrin buzğan joq. 14 mausym — 14 chempiondyq. Bul sandar jay ğana statistika emes, jeńispen ómir sýretin futbolşynyń vizit kartoçkasy. Futbolda bireuler jýlde izdeydi, al Coman jýldelermen degen «abonementin» rásimdep alğanday.