Наваий облысында қуаты 300 МВт болатын энергия сақтау жүйесін салу жоспарлануда. Бұл туралы Өзбекстанның Энергетика министрлігі хабарлады.
Құрылыс жөнінде Masdar компаниясымен келісім Әбу-Дабиде өткен ADIPEC 2025 халықаралық форумында жасалды. Жоба энергетикалық жүйенің тұрақтылығын арттыруға және жасыл энергияны сақтау инфрақұрылымын дамытуға бағытталған.
Сондай-ақ, форум барысында AMEA Power компаниясымен қуаты 200 МВт болатын тағы бір энергетикалық нысан салу бойынша келісімшартқа қол қойылды. Министрліктің ақпаратына сәйкес, Әбу-Дабидегі келіссөздер барысында өзбек делегациясы Біріккен Араб Әмірліктері, Германия, АҚШ және Ұлыбритания өкілдерімен жаңартылатын энергия саласындағы ағымдағы жобалар мен ынтымақтастықты кеңейту жоспарлары туралы пікір алмасты.
