Ўзбекистон хориждан 700 млн долларлик енгил автомобиллар импорт қилди

2022 йилнинг январь-ноябрь ойларида Ўзбекистон хорижий давлатлардан қиймати 702,2 млн АҚШ долларига тенг бўлган 27 526 та енгил автомобил импорт қилган.

Давлат статистика қўмитаси маълумотларига кўра, енгил автомобиллар импорти ўтган йилнинг мос даври билан солиштирилганда 4 371 тага ошган.

2022 йилнинг 11 ойида Ўзбекистон 33 та хорижий давлатлардан енгил автомобиллар импорт қилган.

Ўзбекистонликлар ўтган 11 ойда электромобиллар импортига 61,3 млн АҚШ доллари сарфлаган.