Волга К50 кроссовери Москвада суратга олинди
Россияда қайта тикланаётган Волга бренди остидаги янги Волга К50 кроссоверининг прототипи Москва кўчаларида пайдо бўлди. Автомобилнинг «жонли» суратлари «Автопоток» Telegram-канали томонидан эълон қилинди. Гарчи бренд савдолари ҳали расман бошланмаган бўлса-да, ушбу модел ишлаб чиқарувчи билан боғлиқ шахслар томонидан синовдан ўтказилаётган бўлиши мумкин. Бу ҳақда Ixbt.com хабар беради.
Техник жиҳатдан Волга К50 ўзининг донор модели ҳисобланган Geely Монжаро билан деярли бир хил бўлади. Кроссовер 238 от кучига эга 2,0 литрли двигател, 8 поғонали автомат узатмалар қутиси ҳамда тўлиқ узатмали тизим билан жиҳозланади. Автомобилнинг узунлиги 4770 мм, ғилдирак базаси эса 2845 мм ни ташкил этади.
Гарчи салоннинг суратлари ошкор этилмаган бўлса-да, интерерда ҳам Geely Монжарўдан фарқли ўзгаришлар кутилмаяпти. Хусусан, олд панелда учта йирик экран ўрнатилиши режалаштирилган. Эслатиб ўтамиз, Волга К50 кроссоверининг савдоси жорий йилнинг ёз ойларида бошланиши кутилмоқда.
Бундан ташқари, яқинда Geely Префасе моделининг клони ҳисобланган Волга К50 седанининг ҳам прототипи суратга олинган эди. Волга бренди остидаги ушбу янги моделлар Россия бозорида хитойлик ишлаб чиқарувчилар билан ҳамкорликда тақдим этилмоқда.
