AvtoVAZ Lada Азимут ишлаб чиқаришига тайёргарликни якунлади
Россиянинг AvtoVAZ компанияси 2026-йилнинг май ойида ишлаб чиқариш қувватларини модернизация қилиш бўйича навбатдаги босқични муваффақиятли якунлади. 17 кун давом этган ишлар доирасида 15 мингдан ортиқ вазифа бажарилди ва бунга корхонанинг ўз маблағлари ҳисобидан 543 миллион рубл йўналтирилди. Бу ҳақда Ixbt.com хабар беради.
Модернизация жараёнида Lada Азимут кроссоверини йиғиш учун янги учувчисиз транспорт тизимлари жорий этилди, шунингдек, бўяш цехи ва пайвандлаш ускуналари янгиланди. Компания апрель ойида моделнинг илк пре-сериявий намуналарини намойиш этган эди. Автомобилнинг серияли ишлаб чиқарилиши сентябрь ойига, савдолар бошланиши эса 2026-йилнинг тўртинчи чорагига режалаштирилган.
Янги кроссовер дастлаб 1,6 литрли (120 от кучи) ва 1,8 литрли (132 от кучи) двигателлар билан тақдим этилади. Харидорларга механик узатмалар қутиси ёки вариатор танлови берилади. Моделнинг нархи 2,2 миллиондан 2,5 миллион рублгача бўлиши кутилмоқда.
Lada Азимут замонавий рақамли технологиялар, жумладан, ГигаЧат интеграциялашган мультимедиа тизими, 360 даражали камералар ва панорамали том билан жиҳозланади. Келгусида 390 от кучига эга тўлиқ узатмали гибрид версияни ҳам ишлаб чиқариш кўзда тутилган.
