Қозоғистоннинг JAC S3 va JAC S5 русумли автомобиллари Ўзбекистонга етказиб берилади

JAC S3 va JAC S5 русумидаги 766 та Қозоғистонда ишлаб чиқарилган автомобиль Ўзбекистон бозорига етказиб берилади. Ушбу битим қиймати 11,8 миллион долларни ташкил қилади, деб ёзади Подробно.уз нашри.

Мамлакатлар биргаликда ишлаб чиқарилган автомобиллар экспортини ошириш тўғрисида келишувга эришдилар.

\"Ўзавтосаноат\" компанияси раҳбари Шавкат Умурзоқов ва \"KazakhЕxport\" экспорт суғурта компанияси бошқаруви раиси Руслан Искаков Миллий автомобиль павильонида Шевроле русумидаги моделларни тақдимоти чоғида ҳамкорлик шартномасини имзоладилар.

Ҳужжатда Қозоғистон автоуловларининг Ўзбекистонга экспортини молиялаштириш учун \"KazakhЕxport\" молиявий суғурта воситаларидан фойдаланиш кўзда тутилган.

Ўзбекистонга 766 та автомобилни етказиб бериш бўйича биринчи битим \"Сбербанк\" орқали \"KazakhЕxport\" экспорт савдосини молиялаштириш доирасида амалга оширилди.