АҚШ гипертовушли ракетани синовдан ўтказди

АҚШ ҳарбий-ҳаво кучлари янги гипертовушли қуролларни синовдан ўтказди, деб хабар бермоқда Reuters.

Ҳарбийларга кўра, синовлар Калифорнияда 14 май куни бўлиб ўтган. Ракета B-52 бомбардимончи самолётидан учирилган ва товуш тезлигидан беш баравар юқори тезликка эришган.

Америка қўмондонлиги синовнинг бошқа тафсилотлари ҳақида маълумот бермаган.

АҚШнинг гипертовушли ракетасининг аввалги муваффақиятли синови март ойи ўрталарида бўлиб ўтган эди.