Шавкат Мирзиёев Санкт-Петербургга етиб борди

^{Фото: Президент матбуот хизмати}
Ўзбекистон президенти Шавкат Мирзиёев амалий ташриф билан Россиянинг Санкт-Петербург шаҳрига етиб борди. Бу ҳақда президент ахборот хизмати хабар берган.

Шавкат Мирзиёевни «Пулково» аэропортида Петербург губернатори Александр Беглов ва бошқа расмий шахслар кутиб олди.

Ўзбекистон президенти бугун МДҲ норасмий саммитида иштирок этади. Тадбир кун тартибидан ташкилот доирасидаги кўп томонлама ҳамкорликни кенгайтиришнинг долзарб масалалари ўрин олган.