Пригожиннинг мол-мулкига ким эгалик қилди?
![\"\"](\"https://daryo.uz/static/2023/zulfiya/photo_2023-09-10_10-32-41.jpg\")
Санкт-Петербургда авиаҳалокатда ҳалок бўлган “Вагнер” раҳбари Евгений Пригожин бўйича мерос иши очилди. Бу ҳақда Россиянинг “ВЧК-ОГПУ” лойиҳаси хабар берди.
Маълум қилинишича, “Путин ошпази”нинг қизларида деярли ҳеч нарса қолмаган. Пригожиннинг ҳаёти давомидаги васиятига асосан унинг деярли барча мол-мулки ўғли Павелга ўтган.
“Бутун бизнес, барча компаниялар, барча мулк, унинг қизларига қолган бир нечта нарсалардан ташқари, Павелга ўтди. У ўзини барча нарсада Евгений Пригожиннинг вориси деб эълон қилди. Лекин, ростини айтсам, Павел маълум шахслар таъсири остида ва уни мустақил шахс деб аташ қийин”, — деди манба.
Пригожиндан кейин “Вагнер”ни ким бошқаради?
Россиянинг “Вагнер” хусусий ҳарбий компанияси командирлари Краснодар ўлкасидаги Молкинодаги базада йиғилиш ўтказиб, ўзларига раҳбар тайинламоқчи.
Базада қўмондонлар кенгаши бўлиб ўтади, унда “Lotus” чақирув белгисига эса қўмондон Антон Елизаров “Вагнер”нинг янги раҳбари этиб тасдиқланиши мумкин. Ҳозирда у, эҳтимол, “Вагнер” раҳбари вазифасини бажарувчидир.
![\"Герои](\"https://storage.yandexcloud.net/kontingent-media/images/posts/%D0%90%D0%BD%D1%82%D0%BE%D0%BD_%D0%9E%D0%BB%D0%B5%D0%B3%D0%BE%D0%B2%D0%B8%D1%87_%D0%95%D0%BB%D0%B8%D0%B7%D0%B0%D1%80%D0%BE%D0%B2__%D0%93%D0%B5%D1%80%D0%BE%D0%B8_Z.jpg\")
“Вагнер” бошқарувини вафот этган тақдирда Пригожин томонидан тузилган кўрсатмаларга асосан, Елизаров эгаллаши керак. Унга яқин қўмондонлар эса Елизаровнинг “бизнес империяси” тузилмаларидан жой олади, шунингдек, Павел Пригожинга “отасининг бизнес активларини ҳимоя қилишда” ёрдам беради.
