Россияда ўзбекистонлик ресторан ичида "граната" ҳазили билан қўлга олинди

Россиянинг Санкт-Петербург шаҳридаги \"Пали\" ресторанида 47 ёшли ўзбекистонлик эркак ўзида граната борлигини айтиб, ҳазил қилди.

Ҳодиса 20-феврал куни юз берди. Эркак ресторанга кириб, ёнида граната борлигини эълон қилди. Тезкор равишда воқеа жойига етиб келган ҳуқуқ-тартибот органлари уни қўлга олди. Ўтказилган тинтув натижасида ҳеч қандай портловчи қурилма топилмади.

Шундан сўнг, ушбу шахс ҳарбий комендатура ходимларига топширилди. Ҳозирда ҳуқуқ-тартибот идоралари унга нисбатан жиноий иш қўзғатиш масаласини кўриб чиқмоқда.