Bitcoin нархи 79 минг доллардан пастга тушди: АҚШ облигациялар бозори босими
Жума куни Валл Стреэт савдолари очилиши билан Bitcoin (БТК) нархи 80 000 долларлик психологик чегарадан пастга қулади. ТрадингВиев маълумотларига кўра, криптовалюта бир кун ичида 3 фоизга арзонлашди ва пасайиш тенденцияси АҚШ сессияси бошланиши билан янада кучайди. Натижада БТК/УСД жуфтлиги май ойидаги энг паст кўрсаткичларига яқинлашди. Бу ҳақда Cointelegraph.com хабар беради.
Ҳафта бошида рекорд даражаларга етган акциялар бозори ҳам ўз ўсиш суръатларини йўқотди. Таҳлилчилар ушбу ҳолатни хавфли активларга бўлган ишончнинг пасайиши ва АҚШ облигациялар бозоридаги нобарқарорлик билан боғламоқда. Тҳе Кобеисси Леттер ресурси облигациялар бозоридаги инқироз кучаяётганини ва 10 йиллик АҚШ облигациялари даромадлилиги 4,55 фоиздан ошиб кетганини таъкидлади.
Мутахассисларнинг фикрича, бозор иштирокчилари АҚШ облигациялари даромадлилиги барқарор эмаслигидан хавотирда. Хусусан, 2025-йил апрель ойидаги ҳолат такрорланмоқда, ўшанда облигациялар бозоридаги қулаш сабабли Доналд Трумп Хитойга нисбатан савдо тарифларини жорий этишни тўхтатишга мажбур бўлган эди.
Шунингдек, инвесторлар Фед томонидан фоиз ставкаларининг пасайтирилиши эҳтимолини деярли инкор этмоқда. КМE Груп маълумотларига кўра, бозорнинг 60 фоиздан ортиғи Фед навбатдаги қадам сифатида фоиз ставкасини оширишини кутмоқда. ФедВатч Тоол таҳлиллари 2027-йил март ойига келиб ставканинг 0,25 фоизга кўтарилиши энг эҳтимолий сценарий эканлигини кўрсатмоқда.
