Путин янги йил олди 3 нафар боланинг орзусини амалга оширишга ваъда берди

Россия президенти Владимир Путин янги йил олдидан ўтказиладиган анъанавий “Орзулар арчаси” хайрия тадбирида қатнашиб, бир неча боланинг тилакларини бажаришини маълум қилди.

Тадбир давомида у учта открыткада ёзилган орзуларни кўриб чиқди. Улардан бири — 5 ёшли Тимурнинг ЙПХ инспектори сифатида ўзини синаб кўриш истаги. 9 ёшли Варвара эса Роскосмосдагилардан бир космонавт билан юзма-юз учрашишни орзу қилган. Яна бир бола — 5 ёшли Игор — Калининград шаҳрида жойлашган “Жаҳон океани” музейига боришни хоҳлагани билан ўртоқлашган.

Президент ушбу орзуларни рўёбга чиқариш учун албатта амалий қадамлар қўйилишини таъкидлади.