Эрон рухсати билан 15 та кема муҳим денгиз йўлагидан ўтди

Ҳўрмуз бўғозида кемалар ҳаракати кескин чекланган бир пайтда, сўнгги бир кун ичида 15 та кема ушбу стратегик йўлакдан ўтишга муваффақ бўлди. Уларнинг барчаси Эрон расмийларидан тегишли рухсат олгани маълум қилинди.

Бу ҳақда Эроннинг \"Fars\" ахборот агентлиги хабар берди. Таъкидланишича, ҳудуддаги кескин вазият туфайли ҳаракат қатъий назорат остида олиб борилмоқда.

Маълумотларга кўра, АҚШ ва Исроил томонидан Эронга қарши ҳарбий операция бошланганидан буён Ҳўрмуз бўғози орқали кемалар қатнови кескин камайган. Ҳозирда одатдаги оқимнинг атиги 10 фоизи сақланиб қолган.

Мазкур ҳолат глобал савдо йўллари ва энергия таъминотига жиддий таъсир кўрсатиши мумкинлиги билан ҳам муҳим аҳамият касб этмоқда.