Саудия Арабистонининг ғаройиб маликаси

Кўпчилик Саудия Арабистони маликаси Дина Абдулазиз ал-Сауд ҳақида эшитмаган бўлса керак. Биз сиз азизларга, бу гўзал хоним ҳақида қизиқарли маълумотларни тайёрладик!

Дина мамлакат аёлларидек паранжи ёки ҳижоб киймайди. Унинг кийимлари келишган қоматига мос, замонавий ва ўз услубига эга. Унинг кўплаб дўконлари мавжуд. Унинг сочлари узун эмас, доимо калта турмакда. Кийимлари замонавий ва у худди европаликлардек ҳаёт кечиради.

Очиғи унинг шарқона гўзаллиги ва замонавий кийиниш услуби жуда уйғунлашиб ўзгача қиёфа яратган.

Унинг D`NA дея номланувчи эксклюзив дўконига фақат унинг шахсий таклифи билангина кириш мумкин.

У ердаги барча коллекцияни ўзи жамлайди ва асосан она юртининг маданиятини акс эттиришга ҳаракат қилади. Дина Абдулазиз мода кўргазмаларининг доимий иштирокчиси ҳисобланади ва жуда кўплаб дизайнерлар билан ҳамкорлик қилади.

У замонавий ва миллий либосларда бирдек гўзал!

У оилали — эри Саудия Арабистони шаҳзодаси Абдулазиз бин Насер бин Абдулазиз ал-Сауд. Уларнинг уч нафар фарзандлари бор: эгизак икки ўғил ва бир қиз. У оиласи билан кўпроқ вақтини бирга ўтказади. Ўзи ҳақидаги турли миш-мишларга эътибор бермайди.

Манба: mulohaza.uz