72 ёшли инглиз Исломни яхши кўриб қолди

Англиялик 72 ёшли Клифф Питер Барбер 14 йилдан бери Туркиянинг Муғла вилоятида яшайди. “Янги шафақ” нашрининг ёзишича, яқинда у Ислом динини қабул қилди.

Туркияда ўтказган йиллари давомида Барбер исломий ҳаёт тарзига қизиқиб қолди. Яқинда у Фетҳие шаҳридаги масжидга келиб, калимаи шаҳодатни айтди ва ўзига янги исм танланди – Жамил. Муғла вилоятининг дин ишлари бўйича департаменти унга Қуръони Каримни совға қилди.

Жамил журналистлар билан суҳбатда Муҳаммад алайҳиссалом ва Ислом ҳақида кўп маълумот ўқиганидан кейин Ислом динини яхши кўриб қолганини айтди.