Владимир Путиннинг Узоқ Шарқдаги собиқ вакили қўлга олинди

Узоқ Шарқни ривожлантириш бўйича собиқ вазир ҳамда Узоқ Шарқ федерал округидаги Президент Путиннинг собиқ ваколатли вакили Виктор Ишаев Москвада қўлга олинган. Бу ҳақда «РИА Новости» хабар берди.

Хабарда айтилишича, собиқ амалдор ўрмон материалларини тайёрлаш ишида фирибгарликда гумон қилинмоқда.
Шунингдек, ушбу иш юзасидан ҳудудий маъмуриятда ҳам тинтув ишлари ўтказилмоқда.