Нью-Йоркдаги Гудзон дарёсига вертолёт қулаб тушди (видео)

Нью-Йоркдаги Гудзон дарёсига ҳавода парвоз қилаётган шахсий вертолётлардан бири қулаб тушди. Бу ҳақда шаҳар полиция бошқармасига таяниб, «Daryo.uz» хабар берди.

Вертолёт учувчиси Манхэттен ва Гудзон орасидаги 30-кўчада жойлашган учиш-қўниш йўлагига қадар етиб бора олмаган. Нохуш ҳодиса оқибатида учувчининг қўли синган. Вертолёт бортида бошқа экипаж аъзолари ёки йўловчилар бўлмаган.

Қутқарувчилар вертолётни сувдан чиқариб, майдонга олиб боришга муваффақ бўлди.