Лукашенко Курманбек Бакиевни 70 йиллик юбилейи билан табриклади (видео)

^{Фото: Беларусь ахборот агентлиги}
Беларусь президенти Александр Лукашенко дўсти ва ҳамкасби — Қирғизистоннинг собиқ президенти Курманбек Бакиев билан учрашди.

Учрашувга Бакиевнинг 70 йиллик юбилейи сабаб бўлди. Лукашенко уни табриклаб, ов манзаралари акс этган картина, ханжар ва гулдаста совға қилди.

«Таваллуд кунингга албатта борамиз! Палов тайёрлай оласанми? Палов сендан, шароб биздан!» — дея мутойиба қилди Беларусь раҳбари.

«Табрик қисми тугагач Лукашенко ва Бакиев долзарб масалалар муҳокамасига ўтди», — дейилади Беларусь ахборот агентлиги хабарида.