Майкл Жексоннинг қизи отасининг изидан кетиб, қўшиқчи бўлишга қарор қилди

Майкл Жексоннинг қизи Пэрис ҳам отаси сингари хонанда бўлишга қарор қилди. Harper’s Bazaar’нинг хабар беришича, у Жимми Киммелнинг ноябрдаги шоусида Wilted номли альбомидан ўрин олган қўшиғи билан телевидениеда дебют чиқиш қилган.

^{Фото: Harper’s Bazaar}

Ҳозирда 22 яшар Пэрис, собиқ йигити билан биргаликда асос солган The Soundflowers гуруҳининг аъзоси.

У шоуда октябрь ойида тақдим қилган Let Down қўшиғини ижро қилган. Жексоннинг илк альбоми Wilted’нинг тақдимоти 13 ноябрь куни бўлиб ўтган. Дебют чиқишидан кейин у Instagram саҳифасига шоуда куйлаган чиқиши муҳрланган видеони жойлаган ва бошловчи ҳамда томошабинларга миннатдорчилик билдирган.

У биринчи пластинка устида ишлаш жараёни ҳақидаги берган интервьюсида, кўплаб эмоцияларни ҳис қилаётгани, ҳаяжонлангани, асабийлашгани, аммо кўпроқ миннатдор ва бахтли эканини билдирган.