Кўзларимга термул, гуноҳларинг тўкилсин...

Кўзларимга термул, гуноҳларинг тўкилсин...
Эр шоша-пиша ошхонада куймаланаётган аёлининг олдига келди:
— Менга қара, кўзларимга қара-чи?

Аёл ҳайрон тикилди хожасига:
— Нима бўлди, тинчликми? Кўзимга нимадир бўлибдими?

Эр сўзсиз термулиб тураеверди ҳалолининг кўзларига. Бир муддат тикилар экан:
— Алҳамдулиллаҳ! - деди эр. - Эрталаб оғир уйғондим. Ҳануз бу оғирлик эзаверди елкамни. \"Жуфтлар бир-бирига муҳаббат билан тикилсалар гуноҳлари тўкилади\" деган ҳадис келди хаёлимга. Ёнингга югурдим. Аллоҳга шукр, кўзларингга тикилгандим руҳим енгиллашди...

Эр шундай дея қандай шошиб кирган бўлса, шундай шошилиб ошхонадан чиқди-да, яна ишига бош шўнғиди...
Умида АДИЗОВА
"Zamin"ни Telegram'да ўқинг!
Shuhrat Razzakov
«ZAMIN.UZ» муҳаррири

Мавзуга оид янгиликлар

Маълумот Меҳмон гуруҳидаги фойдаланувчилар ушбу мақолага изоҳ қолдира олмайди.