Bitcoin ЭТФълардан 1,26 млрд доллар чиқиб кетиши харид учун сигнал бўлиши мумкин
АҚШдаги спот Bitcoin ЭТФълардан охирги савдо ҳафтасида 1 миллиард доллардан ортиқ маблағ чиқиб кетиши дунёдаги энг йирик криптовалютани сотиб олиш учун қулай имконият бўлиши мумкин. Сантимент таҳлилий платформаси ҳисоботига кўра, ушбу оқимлар бозор учун тескари кўрсаткич (контрариан сигнал) бўлиб хизмат қилади. Бу ҳақда Cointelegraph.com хабар беради.
Сантимент таҳлилчилари ЭТФ оқимларини кўпинча чакана инвесторларнинг кайфиятини акс эттирувчи омил деб ҳисоблашади. Май ойида Bitcoin нархи 80 000 УСД даражасидан юқори нуқтани ушлаб тура олмагач, кўплаб кичик инвесторлар сабрини йўқота бошлаган. Айни пайтда Bitcoin 75 410 УСД атрофида савдо қилинмоқда, ваҳоланки 16-май куни у 79 052 УСД гача кўтарилган эди.
Бозордаги умумий қарашга кўра, ЭТФълардан маблағ чиқиб кетиши пасайиш тренди (беариш сигнал) сифатида баҳоланади. Бироқ Сантимент мутахассислари бу ҳолатни бозорнинг соғлом қайта тикланиши деб атамоқда. Уларнинг фикрича, ЭТФълардан узоқ муддатли чиқиб кетиш ҳолатлари тарихан ваҳима эмас, балки сабрли инвесторлар учун активларни тўплаш даври билан мос келган.
Фарсиде маълумотларига кўра, сўнгги олти савдо кунида 11 та спот Bitcoin ЭТФ жамғармасидан жами 1,26 миллиард доллар маблағ чиқариб олинган. Шунга қарамай, айрим экспертлар бу тенденция яқин орада ўзгаришини кутишмоқда. Хусусан, ЭТФ таҳлилчиси Жамес Сейффарт жамғармалар ишга туширилгандан бери жами 60 миллиард долларлик оқим кузатилганини ва тез орада янги рекордлар ўрнатилишини таъкидлади.
