Раъно Жўраева лавозимидан озод этилди

Компания акциядорлари умумий йиғилишининг тегишли қарорига кўра «Uzbekistan Airports» АЖ бошқарув раиси Раъно Жўраева билан тузилган меҳнат шартномаси бекор қилинди.

Икки ярим йиллик раҳбарлик фаолияти давомида Раъно Жўраева компанияда катта ўзгаришларни амалга оширишга эришди, дейилади матбуот хабарида.

Жавлонбек Умарходжаев «Uzbekistan Airports» АЖнинг бошқарув раиси вазифасини бажарувчи этиб тайинланди. У шу вақтгача Раъно Жўраеванинг ўринбосари эди.