Ургутда Cobalt ҳайдовчиси қарама-қарши йўналишга чиқиб кетиб, “Жигули” билан тўқнашди

^{Фото: Самарқанд вилояти ЙҲХБ}
Самарқанд вилоятининг Ургут тумани, “Сариқтепа”маҳалласида 30 апрель куни соат 10:30 ларда ЙТҲ содир бўлди. Бу ҳақда вилоят ЙҲХБ хабар берди.

Маълум қилинишича, ҳайдовчи Cobalt автомобилини бошқариб бораётиб, ўзи билан бир йўналишда олдинда ҳаракатланиб кетаётган автомашинани қувиб ўтиш мақсадида қарама-қарши йўналишга чиққан. Шу вақтда тўғридан ўз йўлида келаётган “Жигули” билан тўқнашган.

Ҳодиса оқибатида жароҳатланганлар туман тиббиёт бирлашмасига етказилган.

Ҳозирда ҳолат юзасидан Ургут тумани ИИБ томонидан дастлабки тергов ҳаракатлари олиб борилмоқда.