Бунёдкор кўчасида автомобил ёниб кетди

2025-йил 21-октябрь куни тунги соат 00:15 да Тошкент шаҳри Чилонзор тумани, Бунёдкор шоҳ кўчасида автомобил йўл-транспорт ҳодисаси юз бериб, машина ёниб кетгани ҳақида шаҳар Фавқулодда вазиятлар бошқармасига хабар берилган.

Олинган хабардан сўнг, ёнғин-қутқарув бригадалари зудлик билан воқеа жойига етиб борган. FVB ахборот хизматига кўра, ёнғин соат 00:22 да бартараф этувчилар томонидан назоратга олиниб, 00:29 да тўлиқ ўчирилган.

Ҳодиса оқибатида тан жароҳати олганлар йўқлиги маълум қилинди. Мутасадди идоралар томонидан ҳодисанинг сабаблари бўйича суриштирув ишлари олиб борилмоқда.