Долларни ноқонуний сотганлар жиноят устида ушланди
Олмазор туманида ўтказилган тезкор тадбир давомида ноқонуний валюта айирбошлаш билан шуғулланиб келган Р.К. қўлга олинди. У 4 300 АҚШ долларини фуқаро A.A.ga 52 миллион сўмга сотган вақтида ашёвий далиллар билан ушланган.
Мирзаобод туманида ҳам шунга ўхшаш ҳолат аниқланди. Департамент, ДХХ ва ИИБ ходимлари ҳамкорлигида ўтказилган тадбирда И.Ж. 4 000 долларни фуқаро J.R.ga 48,8 миллион сўмга сотган вақтида қўлга олинган.
Косон туманида эса M.SH. ноқонуний валюта савдосида гумонланиб, 4 000 долларни 47,6 миллион сўмга сотиб олаётган пайтда ушланган. Ундан 4 300 АҚШ доллари ва 65,7 миллион сўм миқдоридаги пул маблағлари ашёвий далил сифатида олиб қўйилган.
Ушбу барча ҳолатлар юзасидан Жиноят кодексининг 177-моддаси бўйича жиноят ишлари қўзғатилган. Айни вақтда суриштирув ва тергов ҳаракатлари олиб борилмоқда.
