Андижонда оғир автоҳалокатда қурбонлар бўлмади
Андижон вилояти ИИБ ЙҲХБ матбуот хизмати А-373 “Тошкент–Ўш” автомагистралида юз берган жиддий йўл-транспорт ҳодисаси ҳақида маълумот берди. Бу ҳақда upl.uz хабар беради.
2 январ куни соат 13:00 лар атрофида (Тошкент вақти билан) Шаҳрихон тумани “Шурқишлоқ” МФЙ ҳудудидан ўтувчи йўлнинг 321-километрида 1988 йилда туғилган “Лабо” ҳайдовчиси белгиланган жойда қайрилиш амалга оширган. Шу пайтда ортдан келаётган бошқа “Лабо” ҳайдовчиси хавфсиз масофани сақламагани оқибатида қайрилаётган автомобилга урилган.
Тўқнашув зарбидан қайрилаётган “Лабо” қарама-қарши йўлакка чиқиб кетиб, “Ласетти” билан пешма-пеш тўқнашган. Ҳодиса натижасида тан жароҳати олганлар йўқ, бироқ транспорт воситалари жиддий техник шикастланган. Ҳолат юзасидан суриштирув ишлари олиб борилмоқда.
