Тошкентда навбатдаги мудҳиш ЙТҲ

Бугун, 4 март куни тунги соат 00:15ларда Тошкент шаҳар Юнусобод тумани Шароф Рашидов кўчасидаги «Транстехбутлаш» МЧЖ қарама-қаршисида ҳайдовчи «Нексия» русумли автомашинасини бошқариб кетаётиб, бошқа бир «Кобальт» русумли автомашина билан тўқнашув содир этган.

Тошкент шаҳар ИИББнинг хабарига кўра, мазкур йўл-транспорт ҳодисаси оқибатида юқорида кўрсатилган иккала транспорт воситасининг ҳайдовчилари ҳамда «Кобальт» автомашинаси йўловчиси турли тан жароҳатлари олиб, тиббий муассасаларга жойлаштирилганлар.